Міндетті сақтандыру

"Қызметкер еңбек (қызметтік) міндеттерін атқарған кезде оны жазатайым оқиғалардан міндетті сақтандыру туралы" Қазақстан Республикасының Заңының 16-1-бабында көзделген мән-жайлар кезінде, сондай-ақ Қазақстан Республикасы Әлеуметтік кодексінің 195-1-бабының 1-тармағында көзделген жағдайлар туындаған кезде қызметкер (қызметкерлер) еңбек (қызметтік) мiндеттерiн атқарған кезде зиянды және (немесе) қауiптi өндiрiстiк фактордың әсер етуi нәтижесінде ол (олар) ұшырайтын, соның салдарынан қызметкердiң кәсіптік еңбекке қабілеттілігінен айрылу дәрежесін белгілеуге, кәсiптiк ауруға не өлiмге әкеп соғатын өндірістік жарақаттану, денсаулығының күрт нашарлауы немесе улану болатын еңбек (қызметтік) мiндеттерiн атқарған кездегі жазатайым оқиға (жазатайым оқиға)

Сақтандыру сомасы (сақтандыру объектісі сақтандырылған және сақтандыру жағдайы орын алғанда сақтандыру компаниясы жауапкершілігінің шекті көлемін айқындайтын ақша сомасы) қызметкерді жазатайым оқиғалардан міндетті сақтандыру шартымен айқындалады, бірақ ол жұмыс берушінің міндетті сақтандыру шартын жасасқан кездегі барлық қызметкерлердің еңбекақысының жылдық қорынан (ЕАЖҚ*) кем болмауға тиіс.

*ЕАЖҚ - әрбір қызметкердің тиісті қаржы жылына арналған республикалық бюджет туралы заңда белгіленген жалақының он еселенген ең төмен мөлшерінен аспайтын, он екіге көбейтілген ай сайынғы кірісі.

Егер сақтандыру шартының қолданылу мерзімі ішінде еңбекке ақы төлеу қоры және (немесе) жұмыскерлердің штат саны өзгерсе, онда тараптардың келісімі бойынша негізгі шарттың қолданылу кезеңіне қосымша келісім жасасу жолымен сақтандыру шартына (сақтандыру сомасы мен сақтандыру сыйлықақысының мөлшері бөлігінде) өзгерістер енгізіледі.

Cақтандыру шарты бойынша сақтандыру сыйлықақысы кәсiптiк тәуекел сыныбына қарай экономикалық қызмет түрлерi бойынша сақтандыру сомасына көбейтілген сақтандыру тарифінің негізінде тараптардың келісімімен айқындалады.

Cақтандыру сыйлықақысының мөлшері тиісті қаржы жылына арналған республикалық бюджет туралы заңда белгіленген жалақының ең төмен мөлшерінен аз болған жағдайда, онда сақтандыру сыйлықақысының мөлшері жалақының ең төмен мөлшерін құрайды. Бұл ретте, сақтандыру сомасы сақтандыру сыйлықақысы мөлшерінің ұлғаюына пропорционалды түрде ұлғайтылады.

Қызметкердiң өмiрi мен денсаулығына келтiрiлген зиян қызметкердiң уақытша еңбекке қабілетсіздігіне байланысты зиянды қоспағанда, оның қайтыс болуына немесе оған кәсіптік еңбекке қабілеттілігінен айрылу дәрежесін белгілеуге байланысты зиянның материалдық көрiнiсiн қамтиды.

Қызметкердің кәсiптiк еңбекке қабiлеттiлiгiнен айырылу дәрежесiн 30%-дан 100%-ды қоса алғанға дейін белгiлеуге байланысты табысын (кiрiсті) жоғалтуына қатысты зиянды өтеу.

Қызметкердің қайтыс болуына байланысты зиянды өтеу.

Өтеуді осы шығыстарды шеккен қызметкер не тұлға ұсынған, осы шығыстарды растайтын құжаттардың негізінде жүзеге асырады.

Денсаулықтың зақымдануынан туындаған қосымша шығыстарды өтеу жөніндегі сақтандыру төлемдерінің жиынтық мөлшері мынадай мөлшерлерден (республикалық бюджет туралы заңмен тиісті қаржы жылына белгiленген айлық есептiк көрсеткiштерде) аспауға тиіс:

1. кәсiптiк еңбекке қабiлеттiлiгiнен айырылу дәрежесi 30-дан 59 пайызды қоса алғанға дейiн белгiленген кезде – 500 АЕК;

2. кәсiптiк еңбекке қабiлеттiлiгiнен айырылу дәрежесi 60-тан 89 пайызды қоса алғанға дейiн белгiленген кезде – 750 АЕК;

3. әсiптiк еңбекке қабiлеттiлiгiнен айырылу дәрежесi 90-нан 100 пайызды қоса алғанға дейiн белгiленген кезде – 1000 АЕК.

Бұл ретте Қазақстан Республикасының денсаулық сақтау саласындағы заңнамасына сәйкес тегін медициналық көмектің кепілдік берілген көлеміне кіретін шығыстар сақтандырушының өтеуіне жатпайды.

Денсаулықтың зақымдануынан туындаған қосымша шығыстарды өтеу жөніндегі жиынтық сақтандыру төлемдерін сақтандырушы жоғарыда айқындалған мөлшерлер шегінде, кәсіптік еңбекке қабілеттілігінен айырылудың алғаш рет белгіленген тиісті дәрежесі бойынша жүзеге асырады.

Зардап шеккен қызметкер қайтыс болған жағдайда, оны жерлеудi жүзеге асырған тұлғаға сақтандырушы жерлеуге жұмсалған шығыстарды 100 АЕК мөлшерiнде өтейдi.

Егер сақтандыру төлемiнiң (сақтандыру төлемдерiнiң) және (немесе) жерлеуге жұмсалған шығыстардың мөлшерi қызметкердi жазатайым оқиғалардан мiндеттi сақтандыру шартында белгiленген сақтандыру сомасының мөлшерiнен асып түскен жағдайда, айырма сақтандырушыға сақтанушының есебiнен төленедi.

Заңды тұлға немесе жеке кәсіпкерлікпен айналысатын жеке тұлға.

әлеуметтік жағдайына қарамастан кәсіпорындағы барлық қызметкерлер (студенттер, зейнеткерлер және т.б.). Бұл қызметкерлер ұйыммен еңбек қатынасы бойынша шарт жасасқан және штатта бар адамдар.

• 1 жыл;
• егер де Сақтанушы қызметінің мерзімі 1 жылдан аспаса, онда шарт осы мерзімге жасалады.

Бір жолы немесе мерзімін ұзартып төлеу арқылы – жақтардың келісімі бойынша.