Құпиялылық және дербес деректерді өңдеу саясаты

Осы Құпиялылық және дербес деректерді өңдеу саясаты (бұдан әрі — Саясат) «Қазақстан Халық Банкінің өмірді сақтандыру жөніндегі «Халык-Life» еншілес компаниясы» АҚ (бұдан әрі — Компания, Halyk Life) halyklife.kz сайты, online.halyklife.kz төлем сервисі, клиенттің жеке кабинеті, агенттің жеке кабинеті, мобильді қосымша, кері байланыс нысандары және Компанияның өзге де цифрлық сервистері арқылы алатын дербес деректерді жинау, өңдеу, сақтау, пайдалану, беру, қорғау және жою тәртібін айқындайды.

Саясат Қазақстан Республикасының заңнамасына, оның ішінде «Дербес деректер және оларды қорғау туралы» Қазақстан Республикасының Заңына, сақтандыру қызметі, ақпараттандыру, ақпаратты қорғау саласындағы заңнамаға және өзге де қолданылатын нормативтік құқықтық актілерге сәйкес әзірленді.

Компанияның сайты мен цифрлық сервистерін пайдалану, өтінім, өтініш, сақтандыру шартын есептеу, төлеу немесе ресімдеу үшін мәліметтер жіберу арқылы пайдаланушы осы Саясатпен танысқанын растайды. Дербес деректерді жинауға және өңдеуге бөлек келісім талап етілетін жағдайларда мұндай келісім пайдаланушыдан бөлек алынады — белгі қою, батырманы басу, құжатқа қол қою, ЭЦҚ, SMS-код пайдалану немесе келісім алынғанын растауға мүмкіндік беретін өзге тәсіл арқылы.

Дербес деректер операторы: Қазақстан Халық Банкінің өмірді сақтандыру жөніндегі еншілес ұйымы «Халық-Life» акционерлік қоғамы

БСН: 051140004354.

Заңды мекенжайы: Қазақстан Республикасы, A05A1B9, Алматы қ., Абай даңғ., 109В.

Байланыс деректері: 7123, +7 (727) 244 62 22, +7 (747) 244 62 22, info@halyklife.kz.

Өмірді сақтандыру қызметі Қазақстан Республикасының Қаржы нарығын реттеу және дамыту агенттігінің 28.12.2022 жылғы № 2.2.12 лицензиясы негізінде жүзеге асырылады. Дербес деректер операторының куәлігі: № 01740001.

Дербес деректер — белгілі бір немесе олардың негізінде айқындалатын дербес деректер субъектісіне қатысты, электрондық, қағаз және/немесе өзге материалдық жеткізгіште тіркелген мәліметтер.

Дербес деректер субъектісі — дербес деректер өзіне қатысты болатын жеке тұлға.

Пайдаланушы — сайтқа кіруші, клиент, әлеуетті клиент, сақтанушы, сақтандырылған тұлға, пайда алушы, заңды тұлғаның өкілі, агент, агенттікке кандидат немесе Компанияның сайты мен цифрлық сервистерін пайдаланатын өзге тұлға.

Дербес деректерді өңдеу — дербес деректерді жинауға, жинақтауға, сақтауға, өзгертуге, толықтыруға, пайдалануға, беруге, таратуға, иесіздендіруге, бұғаттауға және жоюға бағытталған әрекеттер.

Cookies — пайдаланушының браузерінде немесе құрылғысында сақталатын және сайттың дұрыс жұмыс істеуі, баптауларды сақтау, аналитика жүргізу және пайдаланушы тәжірибесін жақсарту үшін қолданылатын шағын мәтіндік файлдар.

Пайдаланылатын сервиске қарай Компания дербес деректердің келесі санаттарын өңдеуі мүмкін:

• тегі, аты, әкесінің аты — бар болса;
• ЖСН, туған күні, жынысы, азаматтығы, жеке басын куәландыратын құжат мәліметтері;
• телефон нөмірі, e-mail, тұрғылықты мекенжайы, заңды мекенжайы, жеткізу немесе хат-хабар алмасу мекенжайы;
• сақтандыру шартының, полистің, өтініштің нөмірі, сақтандыру бағдарламасы, сақтандыру сыйлықақысы, төлем, сақтандыру төлемі және шарт мәртебесі туралы мәліметтер;
• сақтанушы, сақтандырылған тұлға, пайда алушы, өкіл, ЖҚМС бойынша жұмыс берушінің қызметкері туралы мәліметтер;
• денсаулық жағдайы, жазатайым оқиға, мүгедектік, кәсіби еңбекке қабілеттілік, медициналық құжаттар және оқиға мән-жайлары туралы мәліметтер — мұндай мәліметтер сақтандыру, сақтандыру жағдайын реттеу, шартты орындау немесе заңнама талаптарын сақтау үшін қажет болған жағдайда ғана;
• сақтандыру сыйлықақысын төлеу, қайтару, сақтандыру төлемін жүзеге асыру немесе төлемді сәйкестендіру үшін қажетті банктік және төлем мәліметтері;
• байланыс орталығына, сайт нысандары арқылы, сервистік қызмет көрсетуге, сапа орталығына, шағымдар мен ұсыныстарға жүгінген кезде ұсынылатын мәліметтер;
• сақтандыру агенттеріне кандидаттардың деректері: аты-жөні, байланыс деректері, қаласы, тәжірибесі, оқыту, агенттік қатынастарды жасасу және сүйемелдеу үшін қажетті мәліметтер;
• техникалық деректер: IP-мекенжай, құрылғы түрі, браузер, операциялық жүйе, кіру күні мен уақыты, өту көзі, қаралған беттер, cookie-файлдардың идентификаторлары, сайттағы әрекеттер, қателер мен қауіпсіздік туралы мәліметтер.

Компания дербес деректерді пайдаланушыдан нысандарды толтыру, тіркелу, төлем жасау, өтініш жолдау, арыз беру, жеке кабинетті, мобильді қосымшаны немесе агент кабинетін пайдалану кезінде тікелей алады.

Сондай-ақ Компания деректерді заңды көздерден, оның ішінде Бірыңғай сақтандыру дерекқорынан, Мемлекеттік кредиттік бюродан, банктер мен төлем ұйымдарынан, мемлекеттік ақпараттық жүйелерден, медициналық және өзге ұйымдардан, сақтандыру агенттерінен, серіктестерден, пайдаланушы өкілдерінен және заңнамада, шартта немесе дербес деректер субъектісінің келісімінде көзделген жағдайларда өзге көздерден ала алады.

Компания дербес деректерді келесі мақсаттарда өңдейді:

• пайдаланушыны, клиентті, сақтанушыны, сақтандырылған тұлғаны, пайда алушыны, өкілді немесе агентті сәйкестендіру;
• сақтандыру бағдарламасын таңдау, алдын ала шарттарды есептеу, өтінім дайындау, сақтандыру шартын жасасу, орындау, өзгерту, ұзарту және тоқтату;
• клиенттің жеке кабинетіне, агенттің жеке кабинетіне, мобильді қосымшаға және өзге цифрлық сервистерге қолжетімділік беру;
• сақтандыру сыйлықақыларын қабылдау және өңдеу, төлемдерді, қайтарымдарды, сақтандыру төлемдерін және берешекті сәйкестендіру;
• сақтандыру полисінің түпнұсқалығын және мәртебесін тексеру;
• сақтандыру жағдайларын реттеу, өтініштерді қарау, төлемдерді ұйымдастыру және сақтандыру ісін сүйемелдеу;
• сақтандыру қызметі, міндетті сақтандыру, бухгалтерлік және салықтық есеп, кірістерді заңдастыруға қарсы іс-қимыл, қаржылық қызметтерді тұтынушылардың құқықтарын қорғау және өзге талаптар туралы заңнама талаптарын орындау;
• өтініштерді, шағымдарды, кері қоңырауға өтінімдерді өңдеу, сервистік қызмет көрсету және сапаны бақылау;
• сақтандыру агенттерін оқыту, тіркеу, сүйемелдеу және олармен өзара әрекеттесу;
• сервистік хабарламалар, мәртебе өзгерістері, құжаттар, төлемдер, шарттар, өтініштер және сақтандыру жағдайлары туралы ақпарат беру;
• келісім немесе өзге заңды негіз болған жағдайда ақпараттық және маркетингтік хабарламалар жіберу;
• сайтты, мобильді қосымшаны, клиенттік тәжірибені, қауіпсіздікті, аналитиканы және сервистер сапасын жақсарту;
• Компанияның, пайдаланушылардың, клиенттердің және үшінші тұлғалардың құқықтары мен заңды мүдделерін қорғау.

Компания дербес деректерді дербес деректер субъектісінің келісімі, сақтандыру шарты, пайдаланушының өтініші, Қазақстан Республикасы заңнамасының талаптары, сондай-ақ қауіпсіздікті қамтамасыз ету, міндеттемелерді орындау және құқықтарын қорғау жөніндегі Компанияның заңды мүдделері негізінде өңдейді.

Егер пайдаланушы Компанияға үшінші тұлғалардың, оның ішінде қызметкерлердің, сақтандырылған тұлғалардың, пайда алушылардың, өкілдердің немесе отбасы мүшелерінің дербес деректерін ұсынса, пайдаланушы мұндай тұлғалардың деректерін беруге қажетті өкілеттіктері мен келісімдері бар екенін растайды, егер мұндай келісімді алу заңнамада талап етілсе.

Компания дербес деректерді өңдеудің мәлімделген мақсаттарына қол жеткізу, шартты орындау, қызметтер көрсету және заңнама талаптарын сақтау үшін қажетті көлемде ғана үшінші тұлғаларға бере алады.

Мұндай үшінші тұлғаларға Бірыңғай сақтандыру дерекқоры, Мемлекеттік кредиттік бюро, уәкілетті мемлекеттік органдар, Halyk Group ұйымдары, банктер мен төлем ұйымдары, сақтандыру агенттері, ассистанс компаниялары, медициналық ұйымдар, қайта сақтандырушылар, актуарийлер, аудиторлар, заң консультанттары, курьерлік және пошта қызметтері, IT жеткізушілер, байланыс операторлары, аналитика, хостинг, қолдау көрсету және ақпараттық қауіпсіздік жеткізушілері, сондай-ақ дербес деректерді беру шартты орындау үшін қажет болатын немесе заңнамада көзделген өзге тұлғалар жата алады.

Дербес деректерді беру Қазақстан Республикасы заңнамасының талаптарын, құпиялылық туралы шарттық міндеттемелерді және ақпаратты қорғау шараларын сақтай отырып жүзеге асырылады.

Компания дербес деректерді трансшекаралық беруді шартты орындау, техникалық сервистерді, байланыс құралдарын, аналитиканы, ақпаратты қорғауды, қайта сақтандыруды, ассистанс қызметтерін, мобильді қосымшаларды пайдалану немесе осы Саясатта көрсетілген өзге мақсаттар үшін қажет болған жағдайларда, Қазақстан Республикасы заңнамасының талаптарын сақтай отырып жүзеге асыра алады.

Компания пайдаланушылардың дербес деректерін дербес деректер субъектісінің бөлек келісімінсіз жалпыға қолжетімді көздерде орналастырмайды, егер мұндай жариялау заңнамада көзделмесе немесе құқықтар мен заңды мүдделерді қорғау үшін қажет болмаса.

Компанияның сайты мен цифрлық сервистері сайттың дұрыс жұмыс істеуі, пайдаланушы баптауларын сақтау, қауіпсіздікті қамтамасыз ету, статистика жинау, кіру көрсеткіштерін талдау, интерфейсті жақсарту, коммуникациялар мен жарнамалық материалдардың тиімділігін бағалау үшін cookies және ұқсас технологияларды пайдалана алады.

Пайдаланушы cookies файлдарын браузер баптауларында шектей немесе өшіре алады. Бұл жағдайда сайттың, клиенттің жеке кабинетінің, төлем сервисінің немесе басқа сервистердің жекелеген функциялары дұрыс жұмыс істемеуі немесе қолжетімсіз болуы мүмкін.

Егер сайтта үшінші тараптың аналитикалық, жарнамалық немесе пиксельдік сервистері пайдаланылса, мұндай сервистердің техникалық деректерді өңдеуі олардың жеке саясаттарымен де реттелуі мүмкін.

Компания дербес деректерді өңдеу мақсаттарына қол жеткізу, шартты орындау, өтініштерді қарау, сақтандыру жағдайларын реттеу, заңнама талаптарын сақтау, бухгалтерлік және салықтық есеп жүргізу, ішкі бақылау, архивтік сақтау және Компанияның құқықтарын қорғау үшін қажетті мерзім ішінде сақтайды.

Дербес деректер Қазақстан Республикасының аумағында орналасқан деректер базаларында сақталады, егер Қазақстан Республикасының заңнамасында өзгеше рұқсат етілмесе.

Компания дербес деректерді заңсыз қолжетімділіктен, жоюдан, өзгертуден, бұғаттаудан, көшіруден, таратудан және өзге де заңсыз әрекеттерден қорғау үшін қажетті құқықтық, ұйымдастырушылық және техникалық шараларды қабылдайды. Дербес деректерге қолжетімділік тек уәкілетті тұлғаларға олардың функциялары шегінде беріледі.

Пайдаланушы өзінің дербес деректерін өңдеу туралы ақпарат алуға, толық емес, ескірген, дәйексіз, заңсыз алынған немесе өңдеу үшін қажет емес дербес деректерді нақтылауды, бұғаттауды немесе жоюды талап етуге, сондай-ақ дербес деректерді өңдеуге берілген келісімді қайтарып алуға құқылы, егер мұндай қайтарып алу заңнамаға қайшы келмесе немесе қолданыстағы міндеттемелерді орындауға кедергі келтірмесе.

Құқықтарын жүзеге асыру үшін пайдаланушы осы Саясатта көрсетілген байланыс деректері арқылы Компанияға жүгіне алады. Компания өтініш берушіні сәйкестендіру және оның өкілеттіктерін растау үшін қажетті мәліметтерді сұратуға құқылы.

Жекелеген сақтандыру бағдарламаларында Компания кәмелетке толмаған сақтандырылған тұлғалардың немесе пайда алушылардың дербес деректерін өңдеуі мүмкін. Мұндай деректерді ата-ана, заңды өкіл немесе тиісті өкілеттігі бар өзге тұлға ұсынады және олар тек сақтандыру шартын жасасу, орындау, сүйемелдеу, сақтандыру жағдайын реттеу және заңнама талаптарын орындау мақсаттарында өңделеді.

Компания заңнама, сервістер құрылымы, деректерді өңдеу тәсілдері, ішкі процестер немесе қауіпсіздік талаптары өзгерген жағдайда осы Саясатқа өзгерістер енгізуге құқылы. Саясаттың өзекті редакциясы halyklife.kz сайтында орналастырылады.

Саясаттың соңғы жаңартылған күні Саясат парағында көрсетіледі.

Дербес деректерді өңдеу және қорғау мәселелері бойынша «Халык-Life» АҚ-қа жүгінуге болады: e-mail info@halyklife.kz, телефон 7123, +7 (727) 244 62 22, мекенжайы: Қазақстан Республикасы, A05A1B9, Алматы қ., Абай даңғ., 109В.